Write Comment     |     E-Mail To a Friend     |     Facebook     |     Twitter     |     Print

ಶಾರ್ಜಾ ಕರ್ನಾಟಕ ಸಂಘದ 9ನೇ ವಾರ್ಷೀಕೋತ್ಸವ ಆಜ್ಮಾನ್ ರಮದಾ ಹೋಟೆಲ್ ಮೆಜೆಸ್ಟಿಕ್ ಸಭಾಂಗಣದಲ್ಲಿ 2011 ಮೇ 13 ನೇ ತಾರೀಕು ಶುಕ್ರವಾರ ದಿನ ಪೂರ್ತಿ ನಡೆಯಲಿದ್ದು ಅತೀ ಗಣ್ಯರು ಭಾಗವಹಿಸಲಿದ್ದು "ಮಯೂರ ಪ್ರಶಸ್ತಿ ಪ್ರಧಾನ" ಸಮಾರಂಭವು ವಿಜೃಂಬಣೆಯಿಂದ ನಡೆಯಲಿದೆ.

ಅಂದಿನ ಸಮಾರಂಭದಲ್ಲಿ ಯು.ಎ.ಇ. ಮಟ್ಟದಲ್ಲಿ ನಡೆಯಲಿರುವ "ಮಯೂರ ರಾಜ" ಮಯೂರ ರಾಣಿ" ಗಾಯನ ಸ್ಪರ್ಧೆಯ ಅಂತಿಮ ಸುತ್ತಿನ ಪೈಪೋಟಿ ನಡೆಯಲಿದ್ದು ಅತ್ಯುತ್ತಮ ಗಾಯಕ, ಗಾಯಕಿ ಪ್ರತಿಭೆಗಳು ಕಿರೀಟವನ್ನು ತಮ್ಮ ಮುಡಿಗೇರಿಸಿ ಕೊಳ್ಳಲಿದ್ದಾರೆ. ಕಾರ್ಯಕ್ರಮದಲ್ಲಿ ಅತೀ ಹೆಚ್ಚಿನ ಸಂಖ್ಯೆಯಲ್ಲಿ ಕನ್ನಡ ಅಭಿಮಾನಿಗಳು ಅಗಮಿಸಿ ಕಾರ್ಯಕ್ರಮದ ಯಶಸ್ಸಿನಲ್ಲಿ ಪಾಲ್ಗೊಳ್ಳು ವಂತೆ ಶಾರ್ಜಾ ಕರ್ನಾಟಕ ಸಂಘದ ಅಧ್ಯಕ್ಷರಾದ ಶ್ರೀ ಮಹ್ಮದ್ ಶಹಾದ ನೂರ್ ಮತ್ತು ಕಾರ್ಯ ಕಾರಿ ಸಮಿತಿಯವರು ವಿನಂತಿಸಿಕೊಂಡಿದ್ದಾರೆ.

ಮಯೂರ ಪ್ರಶಸ್ತಿಯನ್ನು ಸ್ವೀಕರಿಸಲಿರುವ ಶ್ರೀ ಶೋಧನ್ ಪ್ರಸಾದ್

ಕೊಲ್ಲಿರಾಷ್ಟ್ರದಲ್ಲಿ ಸಾಮಾಜಿಕ ಕ್ಷೇತ್ರದಲ್ಲಿ ತಮ್ಮನ್ನು ತೊಡಗಿಸಿಕೊಂಡು ಪರಿಚಿತರಾಗಿರುವ ಶೋಧನ್ ಪ್ರಸಾದ್ ಅತ್ಮೀಯವಾಗಿ ಸಾರ್ವಜನಿಕ ರಂಗದಲ್ಲಿ ಕಂಡುಬರುವ ವ್ಯಕ್ತಿತ್ವ. ಮಂಗಳೂರಿ ನ ಅತ್ತಾವರದಲ್ಲಿ ಮೇ 1 ನೇ ತಾರೀಕು 1060 ರಲ್ಲಿ ಶ್ರೀ ಜನಾರ್ದನ್ ಅಂಚನ್ ಮತ್ತು ಶ್ರೀಮತಿ ಸುಮತಿ ಅಮಿನ್ ದಂಪತಿಗಳ ಮಗನಾಗಿ ಜನಿಸಿದ್ದು. ಮಂಗಳೂರಿನ ಜೆರೋಸಾ ಅಯ೦ಡ್ ಮಿಲಾಗ್ರಿಸ್ ಫ್ರೌಡಶಾಲೆಯಲ್ಲಿ, ನಂತರದ ವಿದ್ಯಾಭ್ಯಾಸ ಸರ್ಕಾರಿ ಕಾಲೇಜು, ಸೈಂಟ್ ಅಲೋಸಿ ಯೇಸ್ ಕಾಲೇಜಿನಲ್ಲಿ 1980 ರಲ್ಲಿ ಬಿ.ಎ. ಪದವಿಯನ್ನು ಪಡೆದರು.

ದುರ್ಗ ಪ್ರಸಾದ್ ಸ್ಕೂಲ್ ಅಫ್ ಕಾಮರ್ಸ್ ನಲ್ಲಿ ಟೆಕ್ನಿಕಲ್ ಇನ್ಸ್ಟ್ರಕ್ಟರ್ ಆಗಿ, ಮಂಗಳೂರು ಪ್ರಭುದಾಸ್ ಲೀಲಾಧರ್. ಶೇರ್ ಬ್ರೋಕರ್ ಅಯ೦ಡ್ ಗೋಪಿನಾಥ್ ಶೆಣೈ, ಚಾರ್ಟರ್ಡ್ ಆಕೌಂಟ್ ಸಂಸ್ಥೆಗಳಲ್ಲಿ ಅಕೌಂಟೆಂಟ್ ಹುದ್ದೆಯಲ್ಲಿದ್ದು ನಂತರ ಮುಂಬೈಗೆ ಪಯಣ, ಕಮರನ್ ಲಿಂಕರ್ಸ್ ಚೆಂಬೂರ್ ನಲ್ಲಿ ತಮ್ಮ ವೃತ್ತಿಯನ್ನು ಮುಂದುವರಿಸಿಕೊಂಡು ಸುಲ್ತಾನೆಟ್ ಆಫ್ ಒಮಾನ್ ಗೆ ತೆರಳಿದರು.

1983 ರಲ್ಲಿ ಮಸ್ಕತ್ ನಲ್ಲಿ ಪ್ರುಡೆನ್ಸಿಯಲ್ ಇನ್ಸೂರೆನ್ಸ್ ಕಂಪೆನಿಯಲ್ಲಿ ಸೇವೆ ಸಲ್ಲಿಸಿ 1995ರಲ್ಲಿ ಅಬುಧಾಬಿಗೆ ಬಂದು ನಾರ್ಥ್ರನ್ ಇನ್ಸೂರೆನ್ಸ್ ಕಂಪೆನಿ ನಂತರ ರಾಯಲ್ ಅಯಂಡ್ ಸನ್ ಅಲಿಯನ್ಸ್ ಇನ್ಸೂರೆನ್ಸ್ ನಲ್ಲಿ 2007 ರವರೆಗೆ ಸೇವೆ ಸಲ್ಲಿಸಿದ್ದಾರೆ. ಪ್ರಸ್ತುತ ಬ್ರಾಂಚ್ ಮ್ಯಾನೆಜರ್ ಆಗಿ ಟೊಕಿಯೋ ಮರೀನ್ ಅಯಂಡ್ ನಿಚಿಡೊ ಫೈರ್ ಇನ್ಸೂರೆನ್ಸ್ ಕಂಪೆನಿ ಯಲ್ಲಿ ಕರ್ತವ್ಯ ದಲ್ಲಿದ್ದಾರೆ.

ಸಾಂಸ್ಕೃತಿಕ ಕ್ಷೇತ್ರದಲ್ಲಿ....

ಶೋಧನ್ ಪ್ರಸಾದ್ ರವರ ಬಹುಮುಖ ಪ್ರತಿಭೆ. ಉತ್ತಮ ಬರಹಗಾರರು, ರಂಗಭೂಮಿ ಕಲಾವಿ ದರು, ಗಾಯಕರು, ನೃತ್ಯ ಸಂಯೊಜಕರು, ಚಿತ್ರರಚನೆ, ಕಂಚಿನ ಕಂಠದ ಧ್ವನಿ ಹೊಂದಿರುವ ಕಾರ್ಯಕ್ರಮ ನಿರೂಪಕರಾಗಿ ತಮ್ಮ ವ್ಯಕ್ತಿತ್ವದ ಮೂಲಕ ಜನಪ್ರಿಯರಾಗಿದ್ದಾರೆ. ನಟನೆ, ನಿರ್ದೇಶ ನದ ಮೂಲಕ ಅಬುದಾಭಿ ಇಂಡಿಯನ್ ಸೋಶಿಯಲ್ ಸೆಂಟರ್ ನ ವೇದಿಕೆಯಲ್ಲಿ ಹಲವಾರು ಸಾಮಾಜಿಕ, ಶೈಕ್ಷಣಿಕ, ಐತಿಹಾಸಿಕ ನಾಟಕಗಳನ್ನು ಪ್ರದರ್ಶಿಸಿ ಜನ ಮೆಚ್ಚುಗೆಯನ್ನು ಪಡೆದಿ ದ್ದಾರೆ.

ಯು.ಎ.ಇ. ಪ್ರತಿಷ್ಠಿತ ಸಂಘಟನೆಗಳಾದ ಅಬುಧಾಬಿ ಕರ್ನಾಟಕ ಸಂಘ, ಅಬುಧಾಬಿ ಬಿಲ್ಲವ ಬಳಗ, ಯು.ಎ.ಇ. ಬಂಟ್ಸ್, ಬಿಲ್ಲಾವಾಸ್ ದುಬಾಯಿ ಇನ್ನು ಹಲವಾರು ಸಂಘ ಸಂಸ್ಥೆಗಳಲ್ಲಿ ತಮ್ಮ ಪ್ರತಿಭೆಯ ಅನಾವರಣವಾಗಿದೆ.

ಸಾಮಾಜಿಕ ಕ್ಷೇತ್ರದಲ್ಲಿ...

ನಮ ತುಳುವೆರ್ ಯು.ಎ.ಇ. ಸಂಘಟನೆಯ ಆಶ್ರಯದಲ್ಲಿ ಅಸಕ್ತರು, ಅನಾರೋಗ್ಯ ಪೀಡಿತರಿಗೆ ಆರ್ಥಿಕ ನೆರವು, ಅಪಘಾತದಲ್ಲಿ ಮಡಿದವರ ಕುಟುಂಬದವರಿಗೆ ಧನ ಸಹಾಯ, ಬಡ ಕುಟುಂಬದ ಕೆಲವು ಮಂದಿಯ ಹೃದಯ ಶಸ್ತ್ರಚಿಕಿತ್ಸೆಗೆ ನೆರವು, ಜೈಲುಗಳಲ್ಲಿ ನಿರಪರಾಧಿ ವ್ಯಕ್ತಿಗಳನ್ನು ಬಿಡುಗಡೆ ಗೊಳಿಸುವಲ್ಲಿ ಸಂಬಧ ಪಟ್ಟ ಇಲಾಖೆ, ಅಧಿಕಾರಿಗಳ, ಸಂಸ್ಥೆಗಳ ಜೊತೆ ಪತ್ರವ್ಯವಹಾರ, ಮಾತುಕತೆಯ ಮೂಲಕ ಹಲವಾರು ಮಂದಿ ಅಮಾಯಕರನ್ನು ತಮ್ಮ ತಮ್ಮ ಕುಟುಂಬದರ ಜೊತೆಗೆ ಸೇರಿಸಲು ಊರಿಗೆ ಕಳುವಿಸಿದ ಹಲವಾರು ಉತ್ತಮ ಸೇವಾ ಕಾರ್ಯ ಮಾಡಿದ್ದಾರೆ.

ಶ್ರೀಮತಿ ಸಂಧ್ಯಾಪ್ರಸಾದ್ ರವರನ್ನು ಬಾಳಾ ಸಂಗಾತಿಯಾನ್ನಾಗಿ ಪಡೆದು ನಿಂದ್ಯಾ ಪ್ರಸಾದ್, ಶ್ರಾವ್ಯ ಪ್ರಸಾದ್ ಪುತ್ರಿಯರನ್ನು ಪಡೆದಿದ್ದಾರೆ. ಸಂಧ್ಯಾ ಪ್ರಸಾದ್ ರವರು ಕನ್ನಡ ತುಳು ಭಾಷೆಯ ನಾಟಕ ಗಳಲ್ಲಿ ನಟಿಸಿದ್ದಾರೆ. ಪುತ್ರಿಯರು ಉತ್ತಮ ನೃತ್ಯಗಾರ್ತಿಯಾಗಿದ್ದಾರೆ.

ಶೋಧನ್ ಪ್ರಸಾದ್ ರವರ ಪ್ರತಿಭೆ, ಸಾಧನೆ, ಸಮಾಜ ಸೇವೆಯನ್ನು ಗುರುತ್ತಿಸಿ ಅಬುಧಾಬಿ ಕರ್ನಾಟಕ ಸಂಘ, ಅಬುಧಾಬಿ ಬಿಲ್ಲವರ ಬಳಗ, ಬಿಲ್ಲವಾಸ್ ದುಬಾಯಿ ಮತ್ತು ನಾರ್ಥ್ರನ್ ಏಮಿರೇಟ್ಸ್, ಕನ್ನಡ ಸಂಘ ಅಲ್ ಐನ್ ಬುರೈಮ್ ಸಂಘ ಸನ್ಮಾನಿಸಿ ಗೌರವಿಸಿದೆ.

ಶಾರ್ಜಾ ಕರ್ನಾಟಕ ಸಂಘದ ಪ್ರತಿಷ್ಠಿತ ಮಯೂರ ಪ್ರಶಸ್ತಿ ಈ ಬಾರಿ ಸಮಾಜ ಸೇವೆಯಲ್ಲಿ ಶೋಧನ್ ಪ್ರಸಾದ್ರವರನ್ನು ಗುರುತ್ತಿಸಿ ನೀಡಿ ಗೌರವಿಸುತಿರುವುದು ನಿಸ್ವಾರ್ಥ ಸೇವೆಗೆ ಸಂದ ಗೌರವವಾಗಿದೆ.

ಗಲ್ಫ್ ಕನ್ನಡಿಗ ಬಳಗ ಸಮಸ್ಥ ವೀಕ್ಷಕರ ಪರವಾಗಿ ಅಭಿನಂದನೆಗಳನ್ನು ಸಲ್ಲಿಸುತ್ತದೆ